Многумина би рекле дека во денешно време е речиси невозможно да ви биде досадно, но сите понекогаш сме биле во таа ситуација да гледаме во екранот од телефонот или компјутерот без идеја како да го исполниме слободното време. Доколку се пронајдовте во ова, во продолжение се дадени некои веб-страници кои се совршени за убивање досада.
„А гуд муви ту воч“ (A good movie to watch)
Доколку сакате да гледате филмови, оваа веб-страница ќе ви биде омилена. По самиот наслов е јасно дека веб-страницата помага во наоѓањето филмови. Таа нуди филмови по жанрови и по расположение.
„Лидл алкеми 2“ (Little alchemy 2)
Ова е игра која може да ја играте во прелистувачот. Во неа комбинирате разни елементи за да создадете нови. Играта е многу заразна.
„Радиооооо“ (Radiooooo)
Оваа веб-страница е совршена за оние моменти кога немате идеја што да слушате. Таа ви помага да дојдете до интересна музика со избор на ера и држава.
„Пиксел тотс“ (Pixel thoughts)
Ова е алатка за медитација која е одлична за оние моменти кога сте загрижени за нешто. Во централното поле впишете го проблемот и 60 секунди гледајте како исчезнува пред вашите очи.
„Форготифај“ (Forgotify)
Зад оваа веб-страница се крие убава мисија. Создавачите откриле дека на „Спотифај“ има многу песни кои никогаш не се преслушани и затоа оваа веб-страница им го враќа животот на тие песни.
„Геогеср“ (Geoguessr)
Ова е уште една игра за прелистувач. Таа ве остава на случајна локација на мапа и вие треба да погодите каде се наоѓате.
„Опен папис“ (Open puppies)
Ова е веб-страница за некој што навистина сака кучиња. Таа е едноставна - нуди видеа од кучиња кои се менуваат со притискање на копчето „Спејс“ на тастатурата.
„Акинатор“ (Akinator)
Играта бара од вас да помислите на некој фиктивен лик и потоа со низа прашања се обидува да го погоди ликот.
„Калминг манати“ (Calming manatee)
Оваа веб-страница нуди фотографии од морски крави со напишани пораки.
„Мај фриџ фуд“ (My fridge food)
Веб-страницата ви дава рецепти кои може да ги направите со намирниците што ги имате во фрижидерот.
„Бордом батон“ (Boredom button)
Оваа веб-страница е создадена за оние на кои им е многу досадно. Притиснете на копчето и ќе бидете пренасочени на случајна веб-страница која треба да ви биде забавна.
Извор:
Lola magazin
Насловна фотографија: Freepik