Дел од спуштениот плафон во делот за туширање во средношколскиот ученички дом „Здравко Цветковски“ во Скопје синоќа паднал. За среќа, немало повредени ученици.
Проблемот е саниран уште рано утрото, ни одговори директорот на домот, Зоран Арсовски.
- Нашата зграда е стара од 1972 година. Едно време имаше пукната цевка и течеше вода и кога се исуши ѕидот паднал малтер и дел од хантер дагласот (спуштен плафон) – објаснува Арсовски.
Како што дознаваме, во моментот кога се случил инцидентот имало едно девојче, кое за среќа не е повредено.