Догорчињата се најзастапеното ѓубре оставено од човекот во светските океани. Повеќе од 5,5 билиони цигари произведени годишно на глобално ниво содржат филтер заснован на пластика, направен од целулоза ацетат, укажува проектот за заштита на океаните од догорчиња.
На овие филтри им се потребни децении за да се распаднат откако ќе бидат фрлени во океаните. Како што се распаѓа пластиката, така хемикалиите се консумираат од страна на дивиот свет.
Според истражувачите за животна средина, научниците откриле траги од хемикалии кај 70 отсто од морските птици и околу 30 отсто од морските желки.
- Потребни се повеќе истражувања за да се утврди што точно се случува со сето тоа - вели Ник Малос, директор на кампањата за отстранување на ѓубрето од океаните.
- Конечното прашање е какво е влијанието на овие
микропластики и друг отпад врз здравјето на луѓето - додава тој.