Жените треба да имаат право да знаат колку се платени нивните машки колеги ако се сомневаат на дискриминација во платата, соопшти добротворната организација за родова еднаквост.

Организацијата „Фосет сосајети“ повикува на промена на законот за да се намалат случаите на нееднаква плата. Но, и мажите можат да помогнат со тоа што едноставно ќе им кажат на колешките колку заработуваат, додава добротворната организација.

- Дури и ако се сомневаат дека колегата заработува повеќе, речиси е невозможно да направат нешто во врска со тоа. Затоа повикуваме на промена во законот - изјави извршната директорка на „Фосет“, Сем Смитерс.


- Мажите можат да помогнат со тоа што едноставно ќе им кажат на колешките колку заработуваат - вели Смитерс.

- Еднаквата плата за иста работа сè уште е сон на многу жени - додава Смитерс.

Британија во 1970 година донесе закон за еднакви плати што на жените им овозможува еднаква плата како машките колеги за истата работа.

Жените во Европската Унија и понатаму во просек заработуваат 16 отсто помалку отколку мажите, што е незначително подобрување во споредба со минатогодишните 16,2 отсто.