Откако човекот почнал да ја истражува вселената со ракети, загубени се 18 луѓе од кои 14 се астронаути на НАСА. Останува отворено прашањето за безбедноста на астронаутите и дали телата на починатите може да се вратат на земјата?


Денес астронаутите минуваат одедено време во Интернационалната вселенска станица и тогаш се со беспрекорно здравје. Дали постои ризик за нивниот живот?

„Во најлошиот случај може да бидете ударени од микро-метеорит за време на вселенската прошетка и за тоа не можете да направите ништо. Ќе Ви направи дупка во опремата и Ви сте онеспособени да се спасите,“ вели Крис Хадфилд, канадски астронаут.

Хипотетички, астронаутот би имал 15 секунди пред да изгуби свест, а пред да замрзне веројатно би умрел од задушување или декомпресија. Крвта и водата од телото ќе испарат, а телото ќе се прошири како балон.

Сепак вселената се истражува релативно кратко време, но постојано се прошируваат границите на истражените простори, а и ќе се продолжи во таа насока без разлика на ризиците.

Моментално Марс претставува голем предизвик и секој астронаут или вселенски турист ќе мора да се соочи со фактот дека постои голема можност за смрт, без разлика дали ќе се случи одеднаш или ќе се случува бавно.