Сите што го гледале филмскиот серијал „Ледена доба“ знаат дека верверицата Скрат постојано се обидува да го фати желадот.
Неодамна на „Јутјуб“ се појави видео под наслов „Крај“ кое прикажува како верверицата Скрат конечно го добива желадот.
Иако сите гледачи на серијалот „Ледена доба“ се навикнати верверицата постојано, безуспешно да се обидува да го стигне желадот, видеото покажува сосема различен исход.
Наместо да се обиде да го закопа желадот, Скрат застанува, гледа во него и на крајот почнува да го гризе. Тој погледнува наоколу неколку пати, но продолжува да јаде.
Потоа Скрат гледа во остатокот од желадот за момент и скока пред екранот да стане црн.
Цели 34 години „Блу скај студиос“ работеше на анимирани филмови, вклучувајќи го и популарниот серијал „Ледена доба“, кој заработи 3,2 милијарди долари. Но, студиото најави дека ќе престане да работи.
- Многу се забавувавме оживувајќи ги нашите филмски херои. Се надеваме дека успеавте да почувствувате дел од таа радост - пишуваат од студиото.
Во описот на јутјуб-видеото се наведува дека мал тим уметници од студиото се собрале последните денови пред затворањето за да го направат видеото.
- Ова видео е збогување, збогување под наши услови - се наведува во описот.
Видеото со Скрат ги преплави социјалните мрежи и трогна многу гледачи, кои ги споделија своите размислувања.
Еден твитер-корисник напиша: - Се чувствувам како горд родител. Нашето момче успеа. Конечно го доби својот желад. Збогум, Скрат.
Извор:
Metro.co.uk
Фото: Screenshot/YouTube