Дали има побесмислена казна од казната за хранење гладна птица со неколку трошки леб? Такво нешто може да ви се случи во Сингапур, каде што казната е 9.000 евра. Таму ќе бидете казнети дури и ако не пуштите вода во тоалетот, ако плукнете на улица или фрлите ѓубре, ако продавате гуми за џвакање, ако пушите на улица или се напиете алкохол во јавен превоз.

Луѓето во Сингапур обично немаат ништо лично против гулабите, но ако се обидете да ги нахраните, ќе бидете казнети, и тоа со добра причина. Хранејќи ги птиците, тие ја губат својата природна способност да најдат храна, а нивното пријателство со луѓето може неконтролирано да го зголеми нивниот број. Покрај тоа, остатоците од храна на улиците привлекуваат штетници.

Урбани птици

Можеби ќе добиете и неколку остри погледи и критики во Лондон затоа што храните гулаби. Градот кој се бори со јата урбани птици, исто така, забранува хранење на птиците. Причината за ова е уништувањето на националните споменици каде што птиците вршат нужда. Срцето на Лондон - плоштадот Трафалгар, некогаш бил мека за гулабите, но денес можете да добиете казна од 630 евра за хранење на овие птици.

Во градот на гулабите

Без оглед на фактот дека Венеција е град на љубовта и „гулабите“, поради бројот на туристи, граѓаните навистина мора да вложуваат во ред и дисциплина, а поради ова е многу лесно да се добие казна за една од многубројните забрани. Седењето или јадењето на споменици, градски скали и канали ќе ве чини скапо, исто како фрлање ѓубре на подот. Додека за хранењето на гулабите се добива казна од 500 евра.

Дали знаете?

Некои ги сакаат, некои не, но гулабите се многу паметни суштества. Гулабите во Античка Грција ги носеле спортските резултати од Олимписките игри, а и Џингис-хан ги користел како поштари. И за време на двете светски војни тие биле користени за испраќање пораки - Америка имала дури 200.000 гулаби за таа намена.

Извор: punkufer.dnevnik.hr

Фото: Freepik