Можеби се чини дека 2025 година е далеку, но за луксузните нови седишта во бизнис-класата на авиокомпаниите, за кои може да бидат потребни години за да се дизајнираат и инсталираат, таа е близу.
Како ќе изгледа бизнис-класата во 2025 година? Кои нови и возбудливи иновации се подготвуваат за патниците?
Сѐ се врти околу пандемијата. Од пандемијата зависи како ќе одговорат авиокомпаниите, како ќе оди закрепнувањето во текот на наредната година и колку авиокомпаниите се подготвени да вложат.
Вообичаено, потребни се околу две до три години за да се создаде ново седиште од бизнис-класа, од моментот кога е замислена идејата до моментот кога првиот патник седнува на него.
- Општо земено, седиштето во бизнис-класата може да се дизајнира и да се донесе на пазарот за 24-36 месеци - објаснува Ентони Харкуп, виш директор во „Тиг“, фирма за индустриски дизајн која соработува со авиокомпании и производители на авиони.
Производството зависи од повеќе фактори. На пример, дали е ова постојно седиште што претходно го користела друга авиокомпанија или нешто целосно приспособено за авиокомпанијата? Дали седиштето било претходно инсталирано на ваков авион или производителот на седиштата треба да ја промени големината, од верзијата што се користи кај големиот „боинг 777“ до „ербас А330“ со средна големина или обратно? Со колку различни видови авиони ќе лета, бидејќи на секој му треба промена на големината на седиштето? Дали ќе се инсталира во фабриката (за што е потребно подолго време за да се договори со „боинг“ или со „ербас“), ќе се инсталира на постојни авиони или и во двете?
И кога ќе дојде време за реновирање на постарите авиони, дали тоа ќе се случи истовремено со голем ремонт за одржување?
Овие последни прашања се клучни бидејќи ако на една авиокомпанија ѝ треба премногу долго да ги отвори своите нови седишта, тие ќе бидат засенети од конкуренцијата.
„Јунајтед ерлајнс“ ги објави своите седишта наречени „поларис“ уште во јуни 2016 година и сè уште, по пет години подоцна, го нема завршено.
Во меѓувреме, мини-апартманите од бизнис-класа како „катар ервејс кју-суит“, „делта уан“ и „џет блус мини суит“ сега се вид производ што го очекуваат патниците од бизнис-класата, без разлика дали се во голем „боинг 777“ или „ербас А321“.
Авиокомпаниите почнаа да ги опремуваат своите авиони со премиум рамни седишта за да можат да опслужуваат летови на средни и долги релации со слично ниво на удобност - додава тој.
- Ако ова продолжи, идниот пазар за патувања во бизнис-класата, или барем голем сегмент од него, ќе биде на авиони со една патека. Во следните неколку години ќе видиме многу нови авиони на пазарот со наменски дизајнирани седишта со една патека - додава Харкуп.
Повеќе не е доволно да се зборува за стандардните атрибути на производот за удобност, приватност и луксуз; одржливоста треба да фигурира во приказната за да им биде поттик на авиокомпаниите и добавувачите да ги подобрат еколошките акредитиви на седиштата во бизнис-класата. Неколку примери би биле поетички извори на материјали за обложување или мала тежина за намалување на согорувањето на гориво - вели Ричард Круз.
- Бизнис-класата ја менува формата. Возбуден сум да видам како ќе се развива и каде ќе заврши - вели Харкуп.
Фото: JPA Product Design Ltd.