Германската сојузна министерка за здравство Нина Варкен подготвува законски предлог според кој вработените лица без деца би плаќале повисок придонес за јавниот систем за долготрајна нега. Целта е да се стабилизира финансирањето на системот, кој е сè пооптоварен од стареењето на населението и растечките трошоци за нега на постарите лица.

Според пишувањето на германскиот медиумски сервис РНД, предлогот предвидува придонесот за лицата без деца постепено да се зголеми за 0,7 процентни поени.

Со тоа вработените без деца би плаќале 2,5 отсто од својата месечна плата, додека работодавецот за нив би уплаќал дополнителни 1,8 отсто. Вкупно за нив би се издвојувале 4,3 отсто од приходите. За родителите, стапките би останале пониски и би зависеле од бројот на деца. Лицата со едно дете би плаќале 1,8 отсто, со две деца 1,55 отсто, а со три или повеќе деца 1,3 отсто. Со придонесот на работодавецот, вкупната стапка за родителите би се движела од 3,1 до 3,6 отсто.

Мерката би се однесувала на вработените лица постари од 23 години. Овој предлог предизвика негодување кај работниците во Германија, а на социјалните мрежи многу луѓе го протолкуваа како дискриминација.

Истакнуваат дека работниците без деца веќе се во понеповолна положба бидејќи плаќаат повисоки придонеси и не уживаат олеснувања за деца. Имено, германскиот систем веќе ги разликува осигурениците со деца и без деца, а дополнителното оптоварување за лицата без деца се оправдува со тоа што родителите веќе учествуваат во одржувањето на системот преку одгледување на идните обврзници за придонес. 

Миграцијата веќе не е доволна