„Гугл“ изрази подготвеност за меѓународен договор со кој ќе се предвиди мултинационални компании да плаќаат повеќе даноци во држави каде што прават профит, а не во државата каде што се регистрирани.

- Поддржуваме движење кон нови меѓународни и глобални механизми за начинот на кој се воведува данок за мултинационални компании - напиша на блог Каран Батија, висок претставник од американскиот технолошки гигант.

Според него, корпоративниот данок е важно средство за тоа компаниите да дадат свој придонес кон држави и заедници каде што се прави бизнис.

- Сакаме да бидеме фискална средина која луѓето ќе ја сметаат за разумна и соодветна - додава тој.