Денес е понеделник, 1 мај 2017 година, 121-иот ден во годината. Сонцето
изгреа во 05:25, а ќе зајде во 19:35 часот. Денот ќе трае 14 часа и 10
минути.
Ова утро во Македонија имаме претежно облачно и топло време со
температури кои што се повисоки од просечните за овој период од
годината. Во северозападните предели имаме појава на локални врнежи од
дожд, а во Пелагонија и појава на магла. Во јужните предели имаме
претежно ведро време со појава на локална облачност.
МАКЕДОНИЈА – Во Македонија денес во утринските часови ќе биде умерено
облачно време со сончеви периоди, а во јужните предели претежно сончево
со локална облачност и потопло време со пораст на температурите. Во
претпладневните часови насекаде се очекува претежно сончево време со
локална облачност. Попладне во северозападните, западните како и во
североисточните и источните предели услови за развој на нестабилност
која што ќе услови и врнежи од дожд. Ќе дува доумерен слаб југоисточен и
југозападен ветер. Утринските температури од 5 до 13 степени, додека пак
максималните дневни ќе достигнат до 17 односно до 28 степени. УВ
индексот ќе има вредност 3.
СКОПЈЕ - Во Скопје денеска наутро умерено облачно време со повремени
сончеви периоди и потопло време. Во текот на денот ќе биде претежно
сончево со појава на локална облачност, а во периферните предели можни
се локални врнежи од дожд. Слаб југоисточен ветер. Утринската
температура до 10 степени, а максималната дневна до 25 степени.
МАКЕДОНИЈА 5 ДЕНА - Во Македонија во вторник претежно сончево со локална
облачност и потопло време, попладне во северозападните и западните
предели развој на нестабилност и врнежи од дожд. Утринските температури
од 6 до 13 степени, а дневните температури од 20 до 30 степени. Слично
време и во среда со благ пораст на температурите, утринските од 7 до 14
а дневните од 21 до 31 степен. Во четврток претпладне претежно сончево
со локална облачност и топло време, попладне и навечер нестабилно време
со врнежи од дожд и дневни температури од 20 до 30 степени. Врнежите од
дожд ќе изостанат само во југоисточните предели. Во петок умерено
облачно и нестабилно време со врнежи од дожд насекаде во Македонија и
опаѓање на дневните температури. Утринските од 7 до 14 степени, додека
пак максималните од 16 до 26 степени.
Weather4all.com.mk