Студентка од Универзитетот во источен Кентаки создала маски за глувите и наглувите луѓе.
- Кога видов дека луѓето почнаа да прават маски за другите, си помислив, а што е со глувите и наглувите лица? - објаснува 21-годишната Ешли Лоренс.
Таа студира подучување на глувите и наглувите лица, а поради вирусот, предава од дома.
- Чувствував дека огромна група од населението е запоставена. Сите паничиме, така што забораваме на многу луѓе. Затоа чувствував дека е многу важно, дури и во вакво време, луѓето да ја имаат таа комуникација. Почнавме да ги правиме од постелнина. Па така, три-четири комплети се направени од постелнина, а користевме и пластична ткаенина - вели таа.
Таа ја објасни потребата од пластичниот дел на маските.
Фото: Lex18
- За секој што користи читање од усни и знаковен јазик, ова е основен начин на комуникација. За знаковниот јазик важни се изразите на лицето и тие се дел од граматиката. Ако половина од лицето е покриено затоа што носите
маска, тогаш лицето на кое му се обраќате ќе пропушти половина од она што го зборувате - вели таа.
За помалку од два дена Лоренс добила десетици нарачки од шест држави.
- Не наплаќам за нив затоа што знам дека им се потребни на луѓето. Затоа ги испраќаме бесплатно - вели таа.