Бордот на Европски студенти по технологија (БЕСТ) – Скопје со особена чест ви го најавува дваесеттото издание на Саемот за ВРАБОТУВАЊЕ И КАРИЕРА - Job Fair 2025, кој ќе се одржува од 24 до 27 март.

Job Fair е настан кој ги поврзува студентите и компаниите на едно место. Овогодишното издание ќе се одвива со физичко присуство во техничко-технолошкиот кампус, каде што секоја од нашите партнерски компании ќе може да се запознае со студентите од техничките кампуси!

Job Fair не само што е најголемиот настан кој БЕСТ Скопје го организира, туку е и одлична можност за секој студент да ги надгради своите професионални вештини, да извлече вредни информации околу индустријата, но, пред сè, да се запознае со претставници од компании кои ќе му помогнат полека да се вклучи во пазарот на трудот.

Се гледаме на техничко-технолошкиот кампус од 24 до 27 март.

За повеќе информации посетете ја нашата официјална веб-страница www.jobfair.org.mk.