Во операција што траела шест години, добротворната организација „Си лајф траст“ сега е во завршна фаза на пренесување два 12-годишни белуга-китови.
Китовите Литл Вајт и Литл Греј ќе бидат пуштени во отворените води. Тие пристигнаа во резерват на Вестманските Острови на 7 август и се приспособуваат на нивното природно опкружување пред конечно да бидат пуштени во пошироко засолниште во близина на јужниот брег на Исланд.
- Задоволни сме што Литл Греј и Литл Вајт се безбедни и се на чекор да бидат ослободени од нивниот дом во отворени води - вели Енди Бул, шеф на „Си лајф траст“.
- По широко планирање и проби, првата фаза од нивното пуштање во океанот одеше според планот. Внимателно ги набљудуваме китовите со нашиот тим и се надеваме дека наскоро ќе го објавиме нивното конечно пуштање - вели тој.
Литл Вајт и Литл Греј патувале по копно, море, па летале со авиопревозникот „Карголукс“, кој ги превезувал во специјално брендиран товарен авион. Китовите биле придружувани од тимови кои постојано се грижеле за нив.
Ова е првпат белуга-китовите да бидат во отворени води. И двата биле заробени во близина на брегот на Русија кога биле
многу млади и поминале години настапувајќи како шоу-животни во кинески
аквариум. Сега тие се навикнуваат на засолништето за белуга-китови, кое
го води добротворната организација „Си лајф траст“ во Исланд.
Белуга-китовите живеат во отворените води и сакаат студено, а климатските
промени предизвикуваат топење на мразот во нивните живеалишта. Друг
проблем е употребата на пластиката. Речиси во секој белуга-кит што бил
тестиран е најдена пластика. Истражување спроведено на 7 белуга-китови
во оддалечените арктички води на Канада открило микропластика во секој
од нив.
Од добротворната организација велат дека двата
12-годишни китови пристигнале безбедно во заливот Келтсвик. Таму ќе
останат краток период за да се адаптираат на околината пред да бидат
пуштени во поширокото засолниште.
Новиот дом на китовите е многу
поголема природна средина со многу потенцијални придобивки. Нивното
преместување не било лесна задача. Секој од нив тежи повеќе од еден тон и
заедно консумираат околу 49 килограми риба дневно. Операцијата барала
специјално дизајнирана опрема, ветеринари и многу вода и мраз. Како што
вели тимот, сакал да им го направи патувањето на китовите колку што е
можно поудобно.
По пристигнувањето во Исланд китовите биле
чувани во установа за грижа во карантински базен неколку месеци, за да
се адаптираат на постудената исландска средина. Но, процесот не е при
крај. Китовите моментално се наоѓаат во „простор за аклиматизација“ во
рамките на засолништето. За некое време ќе бидат пуштени во
отворени води.
Засолништето на Химаи, еден од Вестманските Острови, се наоѓа на заливот Клетсвик - голем природен морски влез каде што Литл Вајт и Литл Греј ќе имаат подобар квалитет на животот, поблиску до нивното природно живеалиште на Арктикот.
Засолништето за белуга-китовите нуди и центар за посетители и центар за едукација. Наскоро посетителите ќе имаат можност да ги посетат китовите во заливот со брод, со минимално вознемирување на китовите.
Фотографии: Sea Life Trust