Возењето во кој било голем град може да биде многу стресно, без разлика колку е искусен возачот. Непознати улици, метеж, многу ленти, свиоци, кружни текови, семафори... Сето тоа бара голема концентрација и многу нерви. Француската метропола не е исклучок. Прекрасниот Париз - градот на светлината, градот на уметноста, љубовта... и град без ниту еден знак СТОП!
Кружен тек на кој се поврзуваат 12 различни патишта
Во Париз постојат повеќе од 6.100 улици каде што сообраќајот е често хаотичен, од најпознатата, Шанзелизе, преку многу помали и пристапни патишта без бариери меѓу коловозните ленти, сè до познатата Етоал, или „Ѕвезда“ и огромен кружен тек кој спојува дури 12 различни патишта. Сето тоа без ниту еден знак „Стоп“, на кој се навикнати возачите во речиси сите делови од светот. Од друга страна, сите други сообраќајни знаци постојат на париските патишта.
Зошто во Париз нема ниту еден знак „Стоп“?
Знакот „Стоп“ е еден од знаците за „експресна команда“ (за разлика од оние што укажуваат на опасност или известување). Тоа е единствениот сообраќаен знак кој има форма на правилен октагон, така што е препознатлив и кога се гледа одзади. Се поставува на споредни патишта без семафори, на поопасни раскрсници, така што возачот застанува и внимателно гледа на патот на кој се приклучува.
Статистиката на сообраќајни несреќи покажува дека недостигот на знакот „Стоп“ не е проблем
Зошто парижаните одлучиле дека не им треба?
Објаснувањето е сосема банално: возилото од десната страна секогаш има првенство на минување, без разлика дали е крстосница или кружен тек, па затоа нема потреба од дополнителен знак. Можеби се во право. Иако запирањето (или незапирањето) на поопасни раскрсници е оставено на возачот, статистиката за несреќи покажува дека од 2009 до 2012 година Париз имал четвртина помалку сообраќајни несреќи од Рим и третина помалку од Лондон. Недостигот на знаци „Стоп“ се чини дека не влијае значително врз нивната црна статистика.
Интересно е што своевремено во градот имаше само еден знак „Стоп“, кој стана еден вид атракција. Се наоѓаше на улицата Сен Егзипери во близина на брегот на Сена. Пред десет години мистериозно исчезна и оттогаш не е поставен нов.
Извор:
Putnikofer.hr
Фото: Unisplash