За граѓаните на Малибу, познато е дека плажата „Милијардери“ се протега на едно од најексклузивните крајбрежја во Малибу, и сега е конечно отворена за јавноста.

 

Оваа плажа беше затворена за граѓаните со децении откако богатите сопственици на куќи, Лисет и Норман Акербег, одбија да изградат јавна патека која ќе овозможи пристап.

Расправијата датира од дамнешните 80-ти кога Крајбрежната комисија на Калифорнија им даде одобрение на Лисет и Норман за изградба, меѓутоа под услов да изградат јавна патека покрај нивната куќа на плажа.

 

Меѓутоа семејството го одложуваше градењето на патеката, поднесувајќи тужби и подигнувајќи висок ѕид, како и ставајќи камења во областа и градејќи тениско игралиште се` со цел да се задржи јавноста да не оди на плажа.

Богатите жители презедоа широки мерки во текот на годините за да ја спречат елитата да оди на плажата, која е дом на милијардери како Лари Елисон, поранешен главен извршен директор на Oracle Corp, филмскиот могул Дејвид Гефен и поранешниот извршен директор на Dodgers Џејми Меккурт. Џон Траволта и Кортни Кокс исто така беа поранешни жители на овој дел од плажата.

 

Меѓутоа, во 2013 година Крајбрежната комисија постигна договор со семејството Акерберг, односно со Лисет, бидејќи нејзиниот сопруг починал во 2004 година. Таа беше казнета со 1.1 милион долари и изгради и ја одржува јавната патека.

„Ова е мала победа во многу голема битка“, изјави Грахам Хамилтон, претседател на Сурфрајдер фондацијата.