Според најновите податоци од Државниот завод за статистика индексот на просечната месечна исплатена нето-плата по вработен во март 2016 година изнесува 103.0 во однос на март 2015 година.
Зголемувањето се должи на зголемувањето на просечната месечна нето-плата по вработен од секторите: Административни и помошни услужни дејности (16.8%), Информации и комуникации
(14.6%) и Градежништво (12.8%).
Податоците покажуваат дека највисока плата земаат вработените во секторот за „Финансиска дејност и дејности на осигурување“ со нето-плата од 38.914 денари, а веднаш по нив се вработените во секторот „Информации и комуникации“ чија нето-плата изнесува 37.730 денари.
Висока плата земаат и работниците од секторот за „Снабдување со електрична енергија, гас, пареа и комуникација“ чија нето-плата достигнува до 36.929 денари.
Најниска плата земаат вработените во секторот „Објекти за сместување и сервисни дејности со храна“ чија нето-плата изнесува 15.118 денари.
Просечната месечна исплатена нето-плата по вработен, во март 2016,
изнесува 22 053 денари. Во март 2016 година, 1.3% од вработените во
Република Македонија не примиле плата.