Сакам листи. Тие човек го одржуваат организиран и фокусиран. Најдобро функционирам со листи.

Мојот татко ми даде листа на патокази за управување кога станав заменик претседател во 1964 година, а подоцна јас ја адаптирав листата со сопствени правила за успех.

Никој случајно не станува добар лидер. Потребна е посветеност и дисциплина. Мојот татко знаеше, а и јас знаев дека кратката листа помага во одржување на приоритетите во фокус. Листата ти ги покажува најважните елементи за еден човек да биде добар лидер.

1. Предизвикувајте го вашиот тим да биде подобар и правете го тоа често.

2. Грижете се за вашите соработници и тие ќе се грижат за вашите клиенти, а вашите клиенти ќе се враќаат.

3. Прославувајте го успехот на вашите луѓе, не сопствениот.

4. Дознајте во што сте многу добри и продолжете да се подобрувате.

5. Направете го нештото сега. Не се оптоварувајте со неодлучност. Следете го вашиот инстинкт.

6. Комуницирајте слушајќи ги вашите клиенти, соработници и конкуренти.

7. Гледајте и бидете видени. Излезете од вашата канцеларија, разговарајте, бидете видливи и достапни.

8. Успехот секогаш е во деталите.

9. Поважно е да вработите луѓе со вистински квалитети, отколку со специфично искуство.

10. Потребите на клиентите може да варираат, но нивната пристрасност за квалитет никогаш не варира.

11. Секогаш вработувајте луѓе кои се попаметни од вас.