Во последниве години дигиталната уметност станува сè попопуларна благодарение на таблетите, апликациите и огромниот број онлајн ресурси. За среќа, не е потребно да се плаќаат скапи курсеви за да се направат првите чекори. Постојат бесплатни курсеви и туторијали кои можат да ти помогнат да ги научиш основите на цртањето и дигиталната илустрација.
Подолу се издвоени три бесплатни и многу корисни извори за учење дигитална уметност.
Бесплатни туторијали за „Прокриејт“ - „Art with Flo“
Овој курс нуди обемна колекција на бесплатни видеолекции посветени на работа во „Прокриејт“, една од најпопуларните апликации за дигитално цртање на „ајпад“. Материјалите покриваат основи како користење четки, слоеви и бои, но и напредни техники за дигитално сликање.
Туторијали за цртање животни - „Genevieve’s Design Studio“
Овој бесплатен курс е насочен кон учење на основите на цртањето преку забавни и едноставни примери, најчесто со животни. Лекциите се идеални за почетници, особено за оние што сакаат да развијат чувство за форма, пропорции и стил на илустрација.
Општи дигитални уметнички туторијали – „Proko“ на „Јутјуб“
Станува збор за еден од најпознатите канали за учење уметност на „Јутјуб“. Нуди бесплатни лекции за цртање, анатомија, перспектива и основи на дигитална уметност.
Извор:
Classcentral.com
Фото: Classcentral/screenshot