Денес е петок, 14 април 2017 година, 104-иот ден во годината. Сонцето
изгреа во 05:50, а ќе зајде во 19:16 часот. Денот ќе трае 13 часа и 26
минути.
Во овие утрински часови во северните, централните и североисточните
предели на Македонија имаме зголемена облачност која што условува и
повисоки утрински температури. Во останатите предели претежн сончево со
појава на локална облачност и посвежо време.
МАКЕДОНИЈА – Во Македонија денес ќе биде претежно сончево време со
појава на локална облачност и многу топло време. Попладне во
северозападните и западните предели услови за развој на локална
нестабилност која може да услови сосема слаби врнежи од дожд. Ќе дува
доумерен слаб северозападен и североисточен ветер. Минималните
температури ќе се движат од 1 до 10 степени, додека пак максималните
дневни од 14 односно до 25 степени. УВ индексот ќе има вредност 6.
СКОПЈЕ - Во Скопје денеска ќе биде претежно сончево време со појава на
локална облачност и топло време. Слаб северозападен ветер. Утринската
температура од 10 степени, а максималната дневна ќе достигне до 23
степени. Ув индекс 6.
МАКЕДОНИЈА 5 ДЕНА - Во сабота претежно сончево со локална облачност и
топло време. Доцна попладне и навечер услови за локални врнежи од дожд.
Минималните температури од 3 до 11 степени, додека пак максималните
дневни до 15 до 26 степени. Во недела умерено облачно и нестабилно време
со врнежи од дожд кои ќе започнат попладне а во доцните попладневни и во
вечерните часови ќе се интензивираат. Дневните температури од 13 до 24
степени. Во понеделник умерено облачно време со повремени сончеви
периоди и посвежо време. Минималните температури од 0 до 8 степени, а
максималните од 8 до 18 степени. Во вторник по студеното утро со
температури од -2 до 6 степени, во текот на денот ќе биде претежно
сончево со локална облачност и свежо време со максимални температури кои
ќе бидат во пораст и ќе се движат од 12 до 22 степени.
Weather4all.com.mk