Ако добиете порака на „WhatsApp“ која вели дека треба да ја промените бојата на апликацијата, игнорирајте ја. Станува збор за измама.


Страницата која ја испраќа пораката користи кирилични букви за да изгледа како реалната веб страница (шһатѕарр.com).

Пораката вели: „New colours for WhatsApp, now you can change your WhatsApp and leave it your favourite colours“, додавајќи дека опцијата е достапна за „iOS“, „Android“, „Windows“ и „Blackberrу“ уредите.

Потоа од вас бара да ја споделите оваа страница со уште 12 ваши пријатели за едноставна „верификација“, а наредниот чекор е инсталирање на додатокот „BlackWhats“ кој е можен само за десктоп верзија.

Она што ќе го добиете се вируси. Додатокот е отстранет од „Google“, меѓутоа изгледаше прилично уверливо и имаше четири ѕвезди и 55 гласови.