Постојат различни приказни дека животните се однесуваат чудно во моментите што водат до соларна еклипса и моментите по неа. Но, и најдобрите експерименти бараат научниците да контролираат одредени варијабли и да ги повторуваат тестовите многу пати за да ја потврдат валидноста.


Дури и да се реализираат навистина добри анализи и набљудувања на животните, наредната комплетна соларна еклипса ќе се случи во јули 2019, па веродостојноста на тестовите би се ставила под знак прашалник.

Сега преку одредени апликации корисниците може да снимаат набљудувања за време на астрономски настани. Односно, ако некој забележи невообичаено однесување на животно во своја близина, да направи неколку фотографии или видео. Експертите веруваат дека на овој начин полесно ќе се соберат податоци во врска со овој феномен и се надеваат дека ќе можат да дадат некакво објаснување. Набљудувањето може да се изврши и во зоолошка градина.

Една работа околу која се согласуваат сите експерти е дека сите што ќе сакаат да набљудуваат треба да носат соодветна заштита за очите при соларната еклипса што ќе се случи на 21 овој месец.