Илјадници литри млеко замрзнаа на улица во германската провинција Северна Рајна-Вестфалија, објави ДПА.

Непознати сторители истуриле млеко од паркиран камионски танкер, соопшти полицијата.

Возачот го паркирал камионот-цистерна во градот Рутен, во областа Зост, за да собере уште млеко од соседните фарми. Кога се вратил, околу 15.000 литри млеко биле истурени на патот и замрзнале на температура од околу минус четири степени.

Млекото формира лизгава површина по целата ширина на коловозот, соопшти противпожарната бригада.

20 лица го исчистија млекото од патот со помош на сол и вода.


Извор: МИА