Минатата година во Сибир научници пронајдоа ждребе од коњ старо 42.000 години.

Сега тие се надеваат дека ќе можат да го оживеат, односно да го клонираат коњот користејќи примероци од крв извлечени од изненадувачки добро зачуваното срце на коњот.

Освен течната крв, научниците што ја правеле аутопсијата пронашле и цели органи и ткива.

- Сега можеме да кажеме дека ова е најдобро зачуваното животно од ледената доба што некогаш било пронајдено во светот - истакна Семјон Григорјев, челник на музејот на мамути во Јакутск, Русија.

Ждребето, кое било на возраст меѓу една и две недели, се удавило во кал, која потоа замрзнала, па тоа илјадници години било завиткано во мраз.

Собирањето на течната крв не значи дека научниците дефинитивно можат да го клонираат коњот - тие допрва треба да се осигурат дека крвта содржи клетки кои може да се развиваат во лабораторија.