„Јакнење на капацитетите на граѓанските организации со цел унапредување на креирањето на младинските политики“
Фондацијата „Претприемачки сервис за млади“, во декември 2018 година издаде „Прирачник за младински политики, учество и застапување“, кој нуди нови знаења, современи методи и техники за зголемување на вештините за застапување на граѓанските организации во насока на засилување на нивното влијание врз јавните политики за млади.
Прирачникот обработува три клучни области: младински политики, младинско учество и застапување и лобирање. Тие се претставени преку теоретски и практичен дел, каде што соодветно се елаборирани теоретските аспекти на опфатените теми и практични алатки за нивна примена.
Базиран на теорија и пракса, прирачникот претставува приказ на европскиот контекст на политиките за млади и на националните и локалните младински политики. Целта е да придонесе кон зголемување на младинското учество, особено во процесите на донесување одлуки, креирање политики и оспособување на граѓанските организации за застапување и лобирање за потребите на младите кај креаторите на политиките.
Содржината на оваа објава е единствена одговорност на Фондацијата „Претприемачки сервис за млади“ и на никој начин не може да се смета дека ги претставува ставовите на медиумот што ја објавува.
Проектот е имплементиран од Фондацијата „Претприемачки сервис за млади“ и Младински културен центар - Битола. Овој ПР-текст и неговата објава се подготвени со поддршка на Европската Унија. Содржината на оваа објава е единствена одговорност на Фондацијата „Претприемачки сервис за млади“ и на никој начин не може да се смета дека ги претставува ставовите на Европската Унија.
