Просторот во вселената е темен кога се набљудува од Земјата, но одредувањето на најтемното место во вселената не е толку едноставно. Експертите објаснуваат дека вистинската, целосна темнина речиси и да не постои поради огромното количество космичка прашина што ја „расфрла“ светлината и создава заднинско осветлување во поголемиот дел од универзумот.

Кога се гледа целиот електромагнетен спектар, универзумот е всушност доста светол, иако постојат екстремно темни области - се разбира, во видливиот спектар на светлина за човечкото око.

Каде во вселената навистина има најдлабока темнина?

Во Сончевиот Систем еден од најтемните објекти е јадрото на кометата Борели, која рефлектира помалку од 3 % од светлината на Сонцето поради нејзиниот многу темен и густ материјал. Слично, надвор од Сончевиот Систем најтемната позната егзопланета „ТрЕС-2 б“ рефлектира помалку од 1 % од светлината, веројатно поради составот на нејзината атмосфера богата со натриум и гасовит титаниум оксид.

Покрај тоа, црните дупки остануваат темни однадвор бидејќи ја заробуваат целата светлина што го преминува хоризонтот, иако внатрешноста не е без светлина – напротив, е екстремно светла токму поради екстремните услови.

Исто така, постојат региони кои се темни бидејќи воопшто не примаат светлина. Кратерите на половите на Месечината и делови од Плутон се во постојана сенка и остануваат меѓу најтемните површини.

Најоддалечените делови на надворешниот Сончев Систем, кои ги снимила сондата „Нови хоризонти“, се исто така екстремно темни. Според истражување од 2021 година, небото во тие региони е десет пати потемно отколку во близина на Земјата, иако сè уште има слаба космичка заднинска светлина. Интересно е што Земјата се наоѓа во ретка темна празнина во Млечниот Пат, што ѝ овозможува на човечката цивилизација јасен поглед во длабочините на вселената, околност што можеби била клучна за развојот на астрономијата.

Извор: benchmark.rs

Фото: Freepik