Утре се отвора проширениот дел од булеварот АСНОМ во Општина Аеродром, кај мостот „Близнак“, соопшти Град Скопје. Викендов заврши првата фаза од реконструкцијата на булеварот на потегот од крстосницата со улица „Васко Карангелевски“ до крстосницата со булевар „Србија“ кај мостот „Близнак“.
Проширениот булевар добива по три коловозни ленти во двете насоки, пешачки и велосипедски патеки од двете страни на булеварот и средишно зеленило.
По завршувањето на оваа фаза, булеварот преку новиот мост, којшто е веќе во изградба, треба да се поврзе со населбата „Ќерамидница“ во Општина Гази Баба, а оттука и Аеродром ќе добие нова сообраќајна релација кон Центар кај поранешен Скопски саем.
Фото: Град Скопје