Ако ви се понудат два вида грицки, нешто што содржи 7 грама шеќер и нешто со над 30 грама шеќер, изборот на поздравата опција треба да биде логичен, нели? Па, можеби и не. Помалку шеќер не значи автоматски поздраво.

За речиси 100 милиони возрасни лица во САД кои моментално живеат со преддијабетес, јадењето едно тропско овошје кое може да го намали ризикот од целосен развој на дијабетес звучи премногу добро за да биде вистинито. Тоа тропско овошје содржи помеѓу 10 и 50 грама шеќер, а станува збор за манго.

Но, истражувањето на Раеде Басири, истражувач за клиничка исхрана, покажува дека мангото, и покрај тоа што има повеќе шеќер од многу ужини со ниско ниво на шеќер, може да понуди заштитни фактори за возрасните со преддијабетес.

- Не е важна само содржината на шеќер, туку и целокупниот контекст на храната - вели Басири.

Шеќерите што природно се наоѓаат во мангото и другото овошје се надополнети со влакна и други витамини и хранливи материи, кои нудат дополнителни здравствени придобивки. Храната со додаден шеќер, како што се житарките за појадок, па дури и опциите за ужина со низок шеќер, можеби немаат иста хранлива вредност, па дури и можат да го зголемат ризикот од дијабетес.

- Целта е да се охрабрат луѓето да вклучуваат цели овошја, како мангото, како дел од здравите навики во исхраната и практичните стратегии за исхрана за превенција од дијабетес. Лицата со висок ризик од дијабетес не треба да се фокусираат само на содржината на шеќер во храната, туку и на тоа како се доставуваат шеќерите во организмот - вели Басири.

На крајот од студијата, наодите покажале дека мангото со високо ниво на шеќер (32 грама) се покажало како покорисно од консумацијата на гранола бар со ниско ниво на шеќер (11 грама). Групата што консумирала манго на дневна основа покажала подобрена контрола на гликозата во крвта, зголемена чувствителност на инсулин и намалени телесни масти.

Извор: medicalxpress.com

Фото: Freepik