Кога помислуваме на виножитото, обично го поврзуваме со сонцето и мислиме дека е нешто што се случува во текот на денот. Но, излегува дека виножитото може да изгледа прекрасно и навечер.
Фотографот Брајан Хајслип успеал да направи фотографија од месечево двојно
виножито - ноќна верзија на виножито, што се појавило над водата во паркот Лексингтон, Мериленд. На четирите фотографии може да се забележи како молњата се меша со разнобојниот лак, а подоцна го истакнува виножитото на месечината во мирните моменти по невремето. Резултатите се исто толку неочекувани колку што се магични.
Хајслип обожава да фотографира за време на бура.
- Вечерта кога ја направив фотографијата, молњата се смири околу 22 часот, па се спакував и отидов да ги средам фотографиите дома - вели Хајслип.
Околу полноќ слушнал посилни грмотевици и иако бил истоштен, веднаш заминал да фотографира.
- Бурата заврши, но не создаде многу молњи, па затоа одлучив да се спакувам и да си одам. Додека се подготвував за заминување, ја забележав белата формација и воопшто не знаев за што станува збор. Одеднаш, се појави месечево двојно виножито. Воопшто не бев подготвен за вакво нешто - вели тој.
Кога сфатил за што станува збор, почнал да фотографира.
- За кратко време успеав да направам неверојатни фотографии - вели Хајслип.
Извор:
Mymodernmet.com
Фото:
Brian Haislip