Колку и да е забавно лизгањето на мраз, безбедноста зависи од дебелината на мразот. Поларните мечки се свесни за опасностите од мразот. Виралното видео што се појави на „Твитер“ покажува што прави поларната мечка за да стигне до другата страна без да падне на тенкиот мраз.
Како што открива ова видео, наместо да се откаже и да се врати назад, поларната мечка паметно ја распоредува својата тежина за да избегне да се скрши мразот. Ги шири екстремитетите и ползи додека не биде безбедно повторно да оди на сите четири.
Принципот има дури и своја равенка: притисокот е еднаков на силата поделена по површина (P= F/A). Со други зборови, притисокот е директно пропорционален на силата, но обратнопропорционален на површината. Како што објаснува @Rainmaker1973 на „Твитер“, оваа мечка забележана како лази наместо да оди по мраз веројатно научила дека максимирањето на А и намалувањето на P ги зголемува шансите безбедно да стигне до снегот.
Колку што ова видео ја демонстрира умноста на поларните мечки, исто така прикажува уште еден проблем. Климатската криза им се заканува на арктичките предели кои овие суштества ги нарекуваат дом. Иако не е веднаш јасно дали мразот низ кој поминува оваа мечка е потенок со промената на годишните времиња или како директен ефект на климатските промени, тој дава јасен пример за опасностите со кои може да се соочи фауната.
Ако сакаме да ги задржиме овие суштества безбедни, треба да преземеме акција за да ги намалиме емисиите на јаглерод и да спречиме дополнително топење на поларните ледени површини.
Извор:
Mymodernmet.com
Фото: Screenshot/Twitter