Сложениот танц на патогените меѓу животните и луѓето не е еднонасочна улица, открива нова студија. Со анализа на милиони вирусни геноми, научниците откриле дека луѓето се извор на двојно повеќе вируси кај животните отколку обратно.
Од речиси 12 милиони испитувани геноми на вируси, откриени се 3.000 случаи на вирусно префрлање помеѓу видовите. Изненадувачки, 79 отсто од овие случаи вклучувале вируси кои се преселиле од еден животински вид на друг, додека 21 отсто вклучувале луѓе. Меѓу нив, 64 отсто биле преноси од човек на животно, состојба позната како антропоноза, а 36 отсто биле преноси од животно на човек или зоонози.
Различни животни, вклучувајќи миленичиња, домашни животни, птици, примати и диви суштества, се погодени од антропоноза. Конкретно, дивите животни биле многу почувствителни на преносот на вирусот од луѓето.
Седрик Тан, водечки автор на студијата и докторанд по компјутерска биологија на Институтот за генетика при Универзитетскиот колеџ во Лондон, го истакнал значителното влијание што луѓето го имаат врз животната средина и нејзините жители. Студијата го разгледала преносот на вируси меѓу сите групи 'рбетници, нагласувајќи го потенцијалот - вирусите да се движат меѓу видовите преку близок контакт и заеднички средини. Студијата била објавена во списанието „Природа, екологија и еволуција“.
Извор: zimo.dnevnik.hr
Фото: Freepik