Министерството за внатрешни работи информира дека од вчера е воведена уште една нова секција на веб-страницата https://termin.mvr.gov.mk/ која има цел да придонесе за побрзо закажување термин за фотографирање за лични документи.
Во оваа секција наречена „Поднеси барање за термин“, граѓаните го внесуваат својот матичен број, телефон за контакт и избираат за кој документ би сакале да закажат термин, се појаснува во соопштението од МВР.
Откако ќе го испратат барањето, операторите од повикувачкиот центар ќе ги исконтактираат на наведениот телефон за контакт за да го опслужат нивното барање во најкус можен рок.
До оваа секција директно може да се пристапи преку следниот линк: https://termin.mvr.gov.mk/Call_Request
Извор: МИА