Американската вселенска агенција НАСА предупреди дека астероид поголем од Ајфеловата кула ќе влезе во орбитата на Земјата за нешто повеќе од една недела. Астероидот широк 330 метри треба да помине покрај нас на 11 декември.

НАСА го следи астероидот, наречен 4660 Нереус, бидејќи ќе помине на оддалеченост од 7,4 милиони километри од Земјата и затоа е ставен во категоријата на потенцијално опасни астероиди.

Сепак, нема простор за паника бидејќи не се очекува удар во Земјата. Тој не треба да се приближи повеќе од 3,9 милиони километри од нас, што е десетпати повеќе од оддалеченоста на Месечината.

Астероидот првпат бил забележан во 1982 година од страна на астрономот Еленор Хилин.

Извор: New York Post
Фото: Pixabay