Истражување покажува дека две лични карактеристики, односно лични особини можат да го предвидат академскиот успех, многу повеќе отколку коефициентот на интелигенција.

Во студијата стои дека за успех е потребно да се поседуваат овие две особини:

-    Отвореност кон искуства
-    Совесност

Луѓето кои се повеќе отворени кон нови искуства се покреативни, чувствителни и љубопитни на интелектуално ниво. Додека пак, совесните луѓе се подисциплинирани, верни и добри во планирањето.

Во истражувањето биле вклучени податоци од 10 илјади студенти, па биле анализирани нивните карактери и постигнати успеси. Експертите велат дека карактерот е пресуден во постигнувањето успеси, а интелигенцијата е во втор план. Односно, количината на вложен труд и фокусот се најмногу важни за бележење на високи резултати.