Желбата на американскиот претседател Доналд Трамп камената фасада на стилска, историски значајна зграда од 19 век, недалеку од Белата куќа, да се офарба во бело, ќе биде на дневен ред на надлежната агенција.
Трамп предлага целосно или делумно да се префарба фасадата од сив гранит на таа зграда, во која некогаш биле канцелариите на претседателот Двајт Ајзенхауер, кој бил претседател на САД од 1953 до 1961 година.
Минатата година американскиот претседател за фасадата на оваа позната зграда во центарот на Вашингтон изјави дека има „навистина лоша боја“, а официјални лица од Белата куќа предлагаат фарбање бидејќи надворешноста е во многу лоша состојба.
Меѓутоа, експертите не се согласуваат со овој предлог и предупредуваат дека гранит не треба да се фарба, бидејќи бојата задржува влага, го оштетува каменот и не го решава проблемот што администрацијата сака да го реши, а би предизвикала и големи трошоци.
Наместо фарбање, се предлага, меѓу другото, уредување на пејзажот и осветлувањето, што би го подобрило изгледот на зградата. Исто така, јавноста дава мала поддршка за предложеното фарбање на фасадата.
Зградата на извршните канцеларии „Ајзенхауер“, во стил на Наполеон III, е заштитена како споменик во Регистарот на историски места. Денес во неа се наоѓаат канцеларии на дел од службениците на американската администрација. Фарбањето на оваа зграда е само дел од планот на Трамп за „разубавување“ на Вашингтон.
Трамп прави бројни измени внатре и надвор од Белата куќа и на околниот имот, а најзначајна е уривањето на Источното крило, каде што се наоѓале историски важни канцеларии на првите дами на САД, за да се изгради сала за бал со 1.000 места.
Наспроти Белата куќа, паркот Лафајет е затворен поради реновирање, при што треба повторно да проработат фонтаните.
Извор:
021.rs
Фото:
Wikipedia