Ресторанот „Калифорнија“ се наоѓа во Торонто, Канада. По името, тој наликува на американски ресторан, но станува збор за место каде што се служи балканска храна.
Сопственици на ресторанот се Жанета и Драган Дамчевски, Македонци кои се преселиле во Канада. Тие го купиле ресторанот во 2006 година и вложиле 300.000 долари за да го реновираат. Ресторанот, кој претходно служел бургери и друга американска храна, почнал да нуди балканска храна. Сопружниците одлучиле да го задржат името за да ги зачуваат канадските гости.
Драган заминал во Торонто во 80-тите години и работел во познати ресторани. Тој ја запознал Жанета во 90-тите, кога накратко се вратил во неговата родна Битола. Тие се венчале за два месеца, а во 1996 година Жанета се преселила во Торонто. Денес, тие живеат таму со нивните две ќерки, Наталија и Емилија.
Во ресторанот, заедно со Жанета и Драган, работи и Јулијана Реља од Црна Гора, како и готвачи од Србија и од Босна и Херцеговина. Гостите во ресторанот се мешавина од локални жители, странци и поранешни жители на балканските земји кои емигрирале во Торонто.
Освен за храна, гостите доаѓаат во ресторанот и за музиката. Бенд свири музика од Босна и Херцеговина, Македонија и од Србија во вечерните часови.
- Не е како другите ресторани. Топлината, атмосферата, енергијата се различни. Сакам луѓето да се чувствуваат како дома и да направат пауза од секојдневниот живот - изјавила Жанета за „Торонто лајф“.
Извор:
Toronto life
Насловна фотографија:
Facebook