Во сѐ повеќе ресторани во Виена може да се резервира маса само на ограничено време.

Имено, во одредени локали маса може да се добие само на час и половина. Некои гости се чудат и негодуваат, меѓутоа во Стопанската комора на Виена велат дека мотивот на угостителите е јасен.

Меѓу првите кои ги воведоа ваквиот вид резервации се многу популарни ресторани, па гостите често по вечерата на пијалак мораат да одат на шанк. Освен тоа, времето се ограничува и за време на празниците, кога локалите очекуваат поголем број на гости.

Претседателот на одделението за гастрономија при виенската Стопанска комора, Петер Добак, објаснува дека овој систем е типична последица на дигитализацијата.

Додека порано угостителлите таквите ограничувања на гостите им ги соопштувале во живо или преку телефон, денес уште при онлајн-резервацијата јасно е назначено максималното време на престој во ресторанот.

-Секако дека целта е на масата во текот на вечерта да се сменат барем две различни групи на гости - вели Добак.