Корисничка на „Тик-ток“ од Обединетото Кралство неодамна споделила на социјалната мрежа како изгледа туширањето за лицата што се алергични на вода.
Наја Селвеј има состојба наречена аквагенски пруритус, што предизвикува чешање и воспаление на кожата при допир со вода. Таа открила дека пред секое туширање ги мери температурата на телото, крвниот притисок и чукањето на срцето бидејќи тие се зголемуваат при туширањето. Потоа таа ги чисти мртвите слоеви од кожата со сува четка.
За време на туширањето таа користи производи за чувствителна кожа. Ефектот од алергијата на вода го забележува 5-10 минути од почетокот на туширањето. Тогаш започнува да чувствува болка и чешање кои најчесто траат до еден час. Болката е резултат на воспалението, кое не е видливо на кожата.
Селвеј користи крем за хидратација на кожата по туширањето и лежи додека ѝ се намали болката. Во екстремни случаи, таа зема пилули против болка.
Таа користи средства и лекови препорачани од лекар за да ги намали симптомите, но во моментов нема стандарден третман за состојбата.
Извор:
Insider
Фото: Pixabay