Вселенското летало „Егзо Марс трејс гас орбитер“ открило докази за значајно количество вода во кањонскиот систем Маринерски Долини на Марс.

Вселенското летало го управуваат Европската вселенска агенција и Руската вселенска агенција „Роскосмос“. На него има инструмент кој го мапира водородот во горниот слој од површината на Марс.

Според податоците, има необично количество на водород во средишниот дел од Маринерските Долини. Се претпоставува дека до 40 отсто од површината таму може да содржи вода.


Истражувачот Игор Митрофанов од Руската академија на науките објаснил дека орбитерот може да „гледа“ под површинскиот слој на планетата и да открие скриена вода.

Маринерските Долини се долги над 3.000 километри. Водата откриена таму може да биде сврзана со минерали, но истражувачите мислат дека поверојатно е таа да биде во облик на мраз. Тоа го отвора прашањето како мразот се зачувал во регион на Марс на кој се претпоставува дека целата вода испарила.

Извор: Cnet
Фото: ЕСА