Зимата е во полн ек. Возењето по снег и мраз не само што може да биде незгодно, туку и крајно опасно. Со често ограничена видливост, од витално значење е правилно да се подготвите и да знаете како да се справите со такви услови.
Експертите за зимско возење од британскиот „Чил иншуренс“ дадоа неколку совети кои треба да ги прочитате пред да влезете во автомобилот.
1. Ако заглавите во снег...
Многу возачи барем еднаш заглавиле во снег. Иако големите снежни наноси не се премногу чести на нашите простори, потребата да се излезе од снегот може да се случи почесто отколку што мислите. Погрижете се да имате мала лопата во багажникот, а уште еден корисен совет е да имате празни вреќи од компири. Ако вашиот автомобил се заглави во снегот, можете да ги ставите под тркалата за да ги спречите да вртат в место.
2. Добра видливост
Погрижете се да го исчистите целиот снег и мраз од фаровите на вашиот автомобил пред да тргнете. Обрнете внимание на светлата за магла. Да се биде виден е исто толку важно колку и да се гледа. Кога ја чистите шофершајбната, користете стругалка или спреј за одмрзнување - никогаш не истурајте топла вода бидејќи така може да се скрши стаклото.
Експертите предлагаат да се користи спреј со алкохол за брзо отстранување на снегот и мразот од шофершајбната.
3. Пластична кеса на ретровизорите преку ноќ
Ако очекувате мраз во текот на ноќта, ставете пластична кеса над секој ретровизор. Врзете ги кесите со ластик. Кога ќе ги отстраните следното утро, на ретровизорите ќе нема мраз.
Фото: Freepik
4. Газен слој на гумите
Шарите на гумите го подобруваат држењето и помагаат при сопирање. Иако минималната законска длабочина на шарите за сите гуми за патнички автомобили во Европа е 1,6 мм, побезбедно е да се купат со минимум 2 мм. Зимските гуми со длабочина на шарите помала од 4 мм во суштина престануваат да бидат зимски гуми, а ограничувањето на абењето е поставено со закон во некои држави.
5. Растојание во сообраќајот
Автомобилските експерти посочуваат уште еден важен совет кога сте на пат каде што има снег или мраз. Погрижете се да оставите доволно простор помеѓу себе и автомобилот напред. Ова е важно затоа што вашето растојание на сопирање е значително зголемено поради намалената влечна сила и затоа ќе ви треба повеќе време и простор за безбедно да го запрете или забавите автомобилот.
6. Возете „мазно“
Кога возите со мал стисок, од клучно значење е да бидете колку што е можно повнимателни со командите на воланот. Тие вклучуваат сопирање, управување и менување. Ненадејните и нагли движења ќе ги зголемат шансите за лизгање.
7. Не застанувајте на угорнина
Ако можете да предвидите дека треба да застанете на угорнина, почекајте подолу. Почнете да се движите нагоре тогаш кога сте сигурни дека ќе можете да го поминете целиот пат без да застанете. Причината за ова е што вашиот автомобил би можел да има тешкотии да се движи нагоре. Не обидувајте се да забрзувате по угорнината бидејќи може да дојде до губење на контролата над возилото.
8. Останете во повисоките брзини
Тука не мислиме на бројката што ја покажува таблата на автомобилот, туку степенот на вашиот менувач. Имено, кога условите се навистина ледени, обидете се да бидете во што е можно поголема брзина бидејќи тоа ќе им помогне на вашите гуми да ја преминат ледената површина без премногу губење на стисокот.
Извор:
Jutarnji.hr
Фото: Freepik