Денес е петок, 23 септември 2016 година, 267-иот ден во годината.
Сонцето изгреа во 06:17, а ќе зајде во 18:32 часот. Денот ќе трае 12
часа и 14 минути.
Под влијание на поле на висок воздушен притисок и продор на ладна
воздушна маса од север, денеска имаме ведро и студено есенско утро во
Македонија.
МАКЕДОНИЈА – По студеното утро со утрински температури кои се движат од
0 до 9 степени, во текот на денот ќе биде сончево, свежо и ветровито. Ќе
дува доумерен слаб северозападен и североисточен ветер. Максималните
температури од 15 до 25 степени. Воздушниот притисок ќе има вредност
околу 1025 хектопаскали, а УВ индексот ќе изнесува 5.
СКОПЈЕ – Во Скопје по студеното утро во текот на денот ќе биде претежно
сончево и малку потопло. Ќе дува доумерен слаб северозападен ветер.
Утринската температура од 7 степени, а максималната дневна до 22
степени. УВ индекс 5.
МАКЕДОНИЈА 5 ДЕНА – Во наредните денови ќе продолжи претежно сончевото и
постудено време со температури кои се пониски од просечните и
вообичаените за овој период од годината. Во сабота и недела сончево
време со појава на локална облачност и потопло време, утринските
температури од 2 до 10 степени, а максималните од 17 до 27 степени. Во
понеделник зголемување на облачноста и благо опаѓање на дневните
температури кои ќе се движат од 15 до 25 степени. Во вторник претежно
сончево и свежо време со максимални температури од 16 до 26 степени.