Според руските медиуми, ракетата ќе тежи до 10 тони, со капацитет да носи до 10 тони нуклеарен товар. Со овој тип товар, нејзината уништувачка моќ би можела да биде две илјади пати поголема од бомбите фрлени врз Хирошима и Нагасаки.
Застрашувачки е тоа што боевата глава е дизајнирана така што е невозможно да се пресретне и уништи, бидејќи не се движи според одредена траекторија.
SVLK-14 SUMRAK
Ова страшно оружје се верува дека е најмоќниот снајпер на светот.
Сумрак го разви руската воена индустрија, а може да ја погоди целта на оддалеченост од три километри.
Според британските медиуми, претседателот Путин ова оружје го ставил во функција во борбата против Исламската Држава во Мосул.
Од фабриката што го произведува снајперот, велат дека работат на подобрување на оружјето. Меѓудругото, се споменува дека успеале да го зголемат дострелот и да ги адаптираат куршумите, правејќи ги потешки.
Се вели дека снајперистите, чие присуство е незабележливо, имаат клучна улога во борбата против терористичката организација ИСИС. Најмалку тројца водачи на озлогласената организација биле убиени од снајпер во рок од десет дена.
Подморниците Dolphin и воените бродови SA’AR CORVETTE
Израел има намера да се „поднови“ со најмалку три подморници со можност за лансирање нуклеарни проектили, кои ќе ги заменат досегашните бродови од застарената флота.
Весникот Maariv пишува дека државата планира тајно да набави три подморници од класата Dolphin од Германија, со вредност од 1,3 милијарди американски долари.
Се очекува новите подморници да бидат понапредни, подолги и со подобра опрема.
Подморниците Dolphin имаат можност за пренос и лансирање на ракети составени од нуклеарни боеви глави. Можат со недели да бидат на непријателска територија и никој да не знае дека се таму.
Како дополнување, Израелците планираат да ја надградат
борбената флота со воените бродови од германско производство, SA’AR Corvette, што ќе ги чинат 468 милиони американски долари.