Најдолгиот комерцијален лет без застанување во светот помеѓу Перт во Западна Австралија и во Лондон во Велика Британија се очекува да биде одобрен за полетување наредната недела.
Летот долг 14.466 километри од Перт до Лондон ќе трае околу 17 и пол часа, со што ќе биде најдолгиот нон-стоп комерцијален лет во светот.
Досега најдолгиот комерцијален лет без застанување беше летот од Емирати Ерлајнс долг 14.200 километри од Дубаи до Окленд во март 2016 година, а траеше 16 часа и 35 минути. Овој лет го сруши претходниот рекорд кој го постигна рутата Кантас Далас-Сиднеј долг 13.800 километри.