Што го прави еден град добро место за живеење? „Оксфорд економикс“ се обиде да одговори на тоа прашање анализирајќи илјада најголеми градови во светот. Беа земени предвид платите, еднаквоста на приходите, трошоците за домување, очекуваниот животен век и можностите за рекреација и култура.

Според новиот индекс, Бриген е најдобриот европски град за живеење. На светската ранг-листа го зазеде второто место, веднаш зад австралискиот Канбера.

Бриген се истакна со комбинација од високи плати, релативно мала разлика во приходите и квалитетна здравствена заштита. Притоа, овој норвешки град го нуди она што за многумина претставува идеална комбинација - развиена економија и добар баланс помеѓу деловниот и приватниот живот.

Сместен покрај фјордот Бифјорден и опкружен со планини, Бриген е особено атрактивен за љубителите на природата и активностите на отворено. По работниот ден, жителите заминуваат на планина, додека квалитетниот здравствен систем придонесува за висок очекуван животен век.

Гренобл на второто место

Второто место меѓу европските градови го зазеде Гренобл, познат како „престолнина на Алпите“. Овој француски град комбинира силен научноистражувачки сектор со одлични можности за престој во природа, вклучително и скијачки центри што се наоѓаат во негова непосредна близина.

На трето место се најде Берн, главниот град на Швајцарија, кој спојува висока куповна моќ, ефикасни јавни услуги и помирно темпо на живот. Меѓу првите десет се најдоа и Осло, Луксембург, Дрезден, Гент, Париз, Базел и Линц.

Ова се десетте најдобри европски градови според квалитетот на животот:

Бриген, Норвешка - 2. место
Гренобл, Франција - 4. место
Берн, Швајцарија - 5. место
Осло, Норвешка - 6. место
Луксембург, Луксембург - 7. место
Дрезден, Германија - 8. место
Гент, Белгија - 9. место
Париз, Франција - 10. место
Базел, Швајцарија - 11. место
Линц, Австрија - 12. место

Извор: Punkufer.dnevnik.hr
Фото: Magnific