Скандинавците важат за едни од најсреќните луѓе на светот, а еден од факторите што придонесува за нивното добро расположение е токму начинот на кој спијат.

Според таканаречениот скандинавски метод на спиење, луѓето од овој регион секое утро се будат одморени, свежи и полни со енергија. Овој метод е особено погоден за парови кои спијат во ист кревет, а неговата популарност веќе се шири надвор од Шведска, Норвешка и Данска. Можно е и вие веќе да го применувате, а да не сте биле свесни за тоа.

Главната предност на овој начин на спиење е тоа што овозможува близина со партнерот, но истовремено обезбедува и доволно личен простор за непречен одмор.

Клучниот елемент е користењето два одделни прекривачи наместо еден заеднички. Оваа практика, која е дел од скандинавската култура, помага за подобро регулирање на телесната температура и намалување на бројот на будења ноќе, што води до поквалитетен сон.