Многу луѓе сакаат да работат но мразат канцеларии. Тие не можат да ги поднесат неудобните алишта, како и тоа да се затворени меѓу четири ѕида цел ден. Често велат дека предвидливоста е она што најмногу им пречи - здодевноста во тоа да знаете каде ќе бидете, секој ден освен викендите и празниците.

За среќа, постојат професии кои не се поврзани со канцелариите. Овој вид на флексибилност е уште подостапен за младите луѓе денес.

Кои се најдобрите полиња за луѓето кои не сакаат да бидат врзани со биро и канцеларија? Според Ана Бреј, консултант за кариера во „Jody Michaels Associates“, одговорот зависи од тоа зошто не сакате да работите во канцеларија: дали сте личност што не сака компјутери, но сепак сака да работи со тим? Дали ве нервира патот до работа? Дали не сакате да го поминувате денот затворени меѓу четири ѕида?

Ако се пронаоѓате во некоја од овие категории, тогаш професиите во продолжение се создадени за вас.

Угостителство

Угостителството или работењето во ресторани, хотели и туристички дестинации е за оние кои не ја сакаат канцелариската работа но се прилично социјални и сакаат да бидат дел од тим. Тука спаѓаат и туристичките водичи.

Медицина

Ако сте доктор или медицинска сестра или асистент на професионалниот терапевт итн, може да поминете долго време в канцеларија, секако, доколку сакате. Но, професијата ви нуди можност да работите во училиште, за одреден спортски тим, доколку сте физиотерапевт во некој спа центар и слично.

Професор/наставник

Предавањето и професијата наставник е за секој оној кој сака да биде дел од институција, но не сака да работи во канцеларија. Предноста е тоа што самите можете да го обликувате часот онака како што вам ви одговара, па често пати можете да имате часови во природа, да одите на екскурзии и слично.

Патување и транспорт

Во ова поле спаѓаат возачите на автобус и шоферите на камион. Доколку овие професии не се за вас, тогаш можете да се одлучите да бидете стујардеса иако стујардесите мораат да носат неудобна облека и не работат на отворено.

Полицаец/пожарникар/детектив

Голем дел од работата на овие професии е потпишување документи и е прилично стресна работа, меѓутоа е дефинитивно за сите оние кои сакаат да работат на отворено и сакаат да придонесат за општеството.