Иако последиците од ураганот „Харви“ моментално доминираат во медиумите, Тексас не е единствениот дел од светот уништен од поплавите.


Меѓународните вести во голема мера ги игнорираат поројните дождови што ја уништуваат Јужна Азија речиси цел август, па време е некој да почне да зборува за тоа.

Индија, Непал, Пакистан и Бангладеш беа погодени од тешки монсунски дождови што предизвикаа катастрофални поплави и лизгања на земјиштето. Илјадници домови беа целосно потопени, а сиромашните села немаат апсолутно никаков пристап до храна и лекови. Речиси 1.200 луѓе починале, меѓу кои и деца. Милион луѓе беа принудени да се иселат од домовите, и сега се без покрив над главата.