Според Извештајот за квалитет на воздухот во светот за 2024 година, објавен од производителот на опрема „Ајкју ер“, меѓу главните градови на 138 земји и територии, главниот град на Чад, Нџамена, го зазеде првото место, пред индискиот главен град Њу Делхи. И двата града се карактеризираат со просечна годишна концентрација на ПМ 2,5 честички од повеќе од 90 микрограми на кубен метар воздух - бројка 18 пати повисока од најновите цели на Светската здравствена организација.

На третото место е Дака, главниот град на Бангладеш, со просечна годишна концентрација на ПМ 2,5 од 78 микрограми на кубен метар, по што следуваат Киншаса во Демократска Република Конго (58,2 микрограми на  кубен метар) и Исламабад во Пакистан (52,4 микрограми на кубен метар). Првиот главен град на листата што не се наоѓа во Азија или Африка е Сараево, со 30,8 микрограми на кубен метар. „Ајкју ер“ анализираше податоци од 8.954 градови, проширувајќи го својот опфат за да вклучи четири нови африкански градови, еден азиски град и две нови земји во Америка во споредба со изданието од 2024 година.

Споредбата меѓу градовите ја истакнува важноста од спроведување строги мерки за заштита на животната средина, особено во урбаните средини, каде што високите концентрации на ПМ 2,5 имаат значителни здравствени импликации.

Извор: ictbusiness.info

Фото: Freepik