Популарните протеински пијалаци содржат сè повеќе тешки метали, според тестовите на организацијата „Консумер репортс“. Тие откриле високи нивоа на олово кај одредени добро познати брендови кои го водат брзорастечкиот пазар на протеини.

Од „Консумер репортс“ тестирале 23 популарни протеински прашоци и готови протеински пијалаци. Тие откриле дека повеќе од две третини од производите во една порција содржеле повеќе олово отколку што нивните експерти сметале дека е безбедно да се внесе во текот на денот. Според извештајот, некои производи содржеле до 10 пати повеќе олово отколку што е безбедно да се консумира во еден ден.

Речиси сите растителни протеински производи што биле тестирани имале покачени нивоа на олово. Кај два производи концентрацијата била толку висока што „Консумер репортс“ советува воопшто да не се користат.

Растителните протеински производи имале, во просек, девет пати повеќе олово од млечните протеини, како што е сурутката. И двојно повеќе од протеинските производи на база на говедско месо. Млечните протеински производи генерално имале најмалку олово, но половина од тестираните производи сè уште имале доволно високи нивоа на контаминација.

Кадмиум и арсен

Тунде Акинлеје, истражувач за безбедност на храната во „Консумер репортс“, кој го водел проектот за тестирање, рекол дека просечните нивоа на олово се повисоки сега отколку што биле пред 15 години и помалку производи имале неоткриени количини на олово.

Нема причина за паника

Сепак, тие велат дека многу од ваквите прашоци се безбедни за повремена употреба. Дури и оние со највисоки нивоа на олово имаат концентрации далеку под границата што би можеле да предизвикаат непосредна штета. Сепак, Акинлеје им советува на редовните корисници на протеини да размислат за намалување на внесот.

Протеините, кои се клучни за градење ткиво и мускули, стануваат сè позначајни и се додаваат во многу производи. Пазарот на протеини во САД доживеа бум во последните 10 години. Бројот на производи за кои се тврди дека се „богати со протеини“ ќе се зголеми четирикратно помеѓу 2013 и 2024 година, според процена цитирана од „Њујорк тајмс“. Само пазарот на протеини од сурутка се проценува на 5-10 милијарди долари.

Извор: forbes.n1info.rs

Фото: Freepik