Дали тестот за интелигенција е само средство за понатамошно маргинализирање на етничките малцинства и сиромашните заедници?

Две семејства одат на куглање. Додека куглаат, порачуваат пица за 12 фунти, 6 сокови, секој по 1.25 фунти и две големи пакетчиња пуканки за 10.86 фунти. Ако ја поделат сметката меѓу семејствата, колку секое семејство треба да плати?

4, 9, 16, 25, 36, ?, 64. Кој број недостига во низата?

Ова се прашањата од онлајн тестовите за интелигенција. Тестовите што имаат цел да ја измерат вашата интелигенција можат да бидат вербални, односно пишани, или невербални, фокусирајќи се на апстрактното резонирање независно од вештините за читање и пишување. За првпат создадени пред повеќе од еден век, тестовите сè уште се користат денес за да се измери менталната агилност и способност на поединецот.

Образовните системи користат IQ тестови за да помогнат во идентификувањето на децата за специјални програми за образование и надарени програми за образование, и понуда на дополнителна поддршка. Истражувачите кои ги анализираат IQ резултатите гледаат на сè, од нивната врска со генетиката, социо-економскиот статус, академското достигнување и расата.

Онлајн IQ квизовите можат да ви кажат дали или не го имате она што е потребно а да станете член на најпрестижното светско високо IQ оптшество.

Ако сакате да се пофалите со вашиот висок IQ, тогаш треба да знаете да одговорите на прашањата погоре. Сепак, овие тестови и понатаму се дискутабилни меѓу едукаторите, социолозите и научниците. За да се разбере зошто, важно е да се разбере историјата што го поткрепува раѓањето, развојот и проширувањето на IQ тестот - историја која вклучува употреба на IQ тестови за понатамошно маргинализирање на етничките малцинства и сиромашните заедници.

Во 1900-те, десетици тестови за интелигенција биле развиени во Европа и Америка, тврдејќи дека нудат непристрасни начини за мерење на когнитивната способност на личноста. Првиот од овие тестови бил развиен од францускиот психолог Алфред Бинет, а бил нарачан од француската влада за да ги идентификува учениците кои имале најголеми потешкотии на училиште. Скалата Бинет-Симон од 1905 година станала основа за модерното тестирање на IQ. Иронично, Бинет сметал дека IQ тестовите биле несоодветни мерки за интелигенција, укажувајќи ја неможноста на тестот соодветно да ја измери креативноста и емоционалната интелигенција на личноста.

На почетокот, IQ тестот обезбедил релативно брз и едноставен начин за идентификување и сортирање на поединци врз основа на интелигенцијата - овие поединци биле и се високо ценети во општеството.

Заедно со широката употреба на IQ тестови во 20-от век беше аргументот дека нивото на интелигенција на една личност е под влијание на нејзината биологија. Етноцентриката и еугенистите, кои ја гледале интелигенцијата и другото општествено однесување како утвредност од биологијата и расата, ги прифатиле IQ тестовите. Некои ги задржаа овие резултати од тестовите што обезбедија дополнителни докази дека социо-економските и расните групи се генетски различни едн од други и дека систематските нееднаквости биле делумно нус-продукт на еволутивните процеси.

Во нивните „најтемни моменти“, IQ тестовите станале моќен начин да се исклучат и контролираат маргинализираните заедници, со помош на емпирискиот и научниот јазик. Поддржувачите на еугенистичките идеологии во 1900-те користеле IQ тестови за да ги идентификуваат „идиотите“, „имбецилите“ и „слабоумните“ - ова биле луѓе за кои еугеничарите тврделе дека се закана за oслабување на белите англосаксонци во Америка.

Како резултат на ваквите егуениски аргументи, многу Американци подоцна биле стерилизирани. Во 1927 година, една озлогласена одлука на Врховниот суд на Америка ја легализирал присилната стерилизација на граѓаните со пречки во развојот. Пресудата резултирала со над 65.000 принудени стерилизирани лица за кои се верувало дека имаат низок IQ. Оние кои биле насилно стерилизирани биле или сиромашни или црнци.

Задолжителната стерилизација продолжила сè до средината на 70-те, кога организациите започнале да поднесуваат тужби за лицата што биле стерилизирани. Во 2015 година, Сенатот на Америка гласал за надомест на живите жртви што подлегнале на стерилизација спонзорирана од владата.

IQ тестовите денес

Дебатата околу тоа што значи да се биде „интелигентен“ и дали тестот за IQ е робустен инструмент за мерење, продолжува да влече силни и често спротивни реакции денес. Некои истражувачи велат дека интелигенцијата е концепт специфичен за одредена култура. Тие тврдат дека се толкува различно во зависност од контекстот - на ист начин како што се толкува бонтонот. На пример, подригнувањето се смета како показател за уживање во оброкот и знак за пофалба на домаќинот во некои култури, а некултурно однесување во други.

Според тоа, она што може да се смета за интелигентно во едно опкружување, можеби не се смета за интелигентно во друго. На пример, знаењето за лековитите билки се смета за форма на интелигенција во одредени заедници во Африка, но не е во корелација со високите перформанси на традиционалните западни академски тестови за интелигенција.

Според некои истражувачи, „културната специфичност“ на интелигенцијата ги прави IQ тестовите пристрасни кон средините во кои тие се развиени - воглавно бело, западно општество. Ова ги прави потенцијално проблематични во културно разновидните опкружувања.

Во исто време, во тек се напори за да се демонстрира како IQ тестот може да се искористи за да им помогне на оние заедници кои во минатото биле најмногу повредени од нив. Во 2002 година, егзекуциите низ Америка на кривично осудените лица со интелектуална попреченост, кои често се оценуваат со користење на IQ тестови, биле неуставни. Ова значи дека IQ тестовите всушност спречиле овие луѓе да се соочат со сурова и невообичаена казна во американскиот суд.

Во образованието, IQ тествите може да бидат пообјективен начин да се идентификуваат децаата кои би можеле да имаат корист од специјалните образовни услуги. Ова ги вклучува програмите познати како „надарено образование“ за учениците кои се идентификувани како исклучително или високо когнитивно способни. Децата од етнички малцинства и оние чии родители имаат низок приход, често се игнорирани.

Уште од создавањето, IQ тестовите генерираат силни аргументи за и против нивната употреба. И двете страни се фокусирани на заедниците кои во минатото биле негативно засегнати со употреба на тестовите за интелигенција. Употребата на IQ тестовите и постојаното несогласување околу нивната важност, па дури и моралот, истакнува не само огромна општествена вредност што ја става на интелигенцијата, туку и нашата желба да ја разбереме и измериме.